ZOTI ËSHTË I PARI, SHQIPËRIA MBI TË GJITHA

Domosdoshmëria e tejkalimit të së majtës e së djathtës shqiptare

Në shkrimin rreth kushteve të vetëvendosura të Albinit, për shkak të emotivitetit dhe pikave të shumta të cekura, mu krijua bindja se nga një pjesë e lexuesve u anashkalua thelbi, aq sa pati edhe reagime ku perflitej përçarja. Pra kaq shumë u anashkalua thelbi, sa ndokujt ajo që ishte thjesht një mbrojtje sqaruese iu duk si sulm !!! Për këtë arsye, mendoj se është i nevojshëm përqendrimi e thellimi tek thelbi.

Të gjithë e dinë se Aleanca KuqeZi është organizatë patriotike gjithëpërfshirëse. Kjo do të thotë që është përtej çdo dialektike politike me bazë ekonominë, përtej çdo dialektike politike me bazë fenë e me radhë. Po kështu, sikundër është shprehur vetë z.Spahiu, AK-ja kërkon që të pahnxjerrë e nderojë atë çka më të mirë një figurë kombëtare ka bërë për kombin, përndryshe do të vazhdohet në pafundësi të hidhet baltë mbi këdo. Dihet se veprimtaria e çdo njeriu karakterizohet nga dritëhije, nëse ne kultivojmë ‘mendësinë e dosjes’ ku të fusim çdo gabim apo gë të diskutueshme, nuk kemi për të shkuar asgjëkundi, por veç do thellojmë konfliktualitetin.

Gjithëpërfshirja është e vështirë, por kurrsesi e pamundur. Përsa i përket dialektikës politike me bazë ekonominë, nga rrjedh edhe ndarja klasike e majtë – e djathtë, gjithëpërfshirja mundësohet nga realiteti, dmth në kushtet kur objektivi është përfshirja në Bashkimin Europian, në vija të trasha rruga ekonomike është e kushtëzuar nga reformat për përmbushjen e kritereve. Kjo do të thotë që as e majta e as e djathta klasike, sado propagandë politike të bëjnë, në thelb nuk kanë ndonjë mundesi reale për të zbatuar programet e tyre specifike, pasi duhet të ndjekin një politikë ekonomike të mbeshtetur tek direktivat europiane.

Natyrisht, autonomi  mund të thuhet se  kanë, por sikundër kemi parë në Shqipëri gjatë këtyre 20 vjetëve, as e majta e as e djathta nuk kanë pasur politika ekonomike kaq të diferencuara saqë të flitet për ndarje klasike e majtë-e djathtë, e bazuar në ekonomi. Realiteti flet vetë, të dyja palët kanë ndjekur një linjë privatizimi total, të pasuar  nga vjedhje masive, korrupsioni, klientelizmi e një sërë dukurish të tjera negative. Pra, autonomia e tyre ishte thjesht në përcaktimin e kujt do të pasurohej nga privatizimi dhe kapja e shtetit.

Në këtë këndvështrim, meqë dialektika ekonomike e majtë- e djathtë, realisht nuk ekziston përtej retorikës politike dhe formës së reduktuar të kësaj dialektike në muhabet kafeneje, një palë janë për të varfërit, pala tjetër për të pasurit , atëherë edhe koncepti i gjithëpërfshirjes nuk mund të quhet i pamundur. Gjithëpërfshirja ekziston si koncept në politikën shqiptare, pikërisht sepse mungojnë alternativat ekonomike psh nuk po lexojmë dot asnjë nga 1000 faqet e programit të Ramës apo në çfarë konsiston zbatimi i programit të Berishës, përpos vjedhjeve masive, që po i shohim edhe në televizor.

Përse atëherë Aleanca KuqeZi duhet të paraqesë ndonjë program të majtë apo të djathtë, kur vetë realiteti imponon një program pragmatik, me qëllim rivendosjen e ekuilibrave ekonomikë të shtetit ? Shqipëria vetëm për muajin dhjetor kishte një defiçit tregtar prej rreth 350 milion dollarësh. Përse nevojitet ndonjë program i majtë apo i djathtë, kur është urgjente vendosja e ekuilibrit tregtar ? Vetëm në muajin dhjetor patëm një rrjedhje valutore (dikur quhej floriri), Shqipëria u varfërua me 350 milion dollarë, atëherë ç’rëndësi doktrinore ka politika e nevojshme për ndaljen e kësaj rrjedhjeje floriri ?

Këtë pragmatizëm duket se ndjek edhe VV-ja, kur flet për patriotizëm ekonomik, pasi sikundër e kanë dhënë vetë krahasimin në gazetën e tyre, patriotizëm ekonomik ndjek edhe Sarkozia në Francë, i cili është kryetar i një partie të djathtë. Por patriotizëm ekonomik ndjek edhe Obama, kur thotë se duhet të nxiten investimet e brendshme në Amerike që të hapin vende pune për amerikanët, në mënyrë që sipërmarrjet amerikane të mos zhvendosin industritë në Kinë a Vietnam. C’është Obama i majtë apo i djathtë ?

Përsa i përket anës le të themi parimore, gjithëpërfshirja e AK-së, mesa duket deri tani, bazohet tek parimi, ‘nuk ka shqiptarë të nënës dhe shqiptarë të njerkës’, dmth të pasur e të varfër janë në radhë të parë të gjithë shqiptare, kohezioni kombëtar kërkon sakrifica të ndërsjellta. Ndërkaq ka kohë që nga Perëndimi ka hyrë në Shqipëri e Kosovë, parrulla propagandistike ”me kë je me 99% apo me 1 %”.

Kjo nuk del dot nga hapësirat e propagandës, për të hyrë në një trajtim serioz. Do të përmend këtu vetëm ligjin e Paretos, 20/80 (ose 80/20), që thotë se në çdo sistem 20% e njerëzve zotëron 80 % të pasurisë ( e anasjelltas, 80% e njerëzve zotërojnë 20% të pasurisë). Nëse duam të trajtojmë seriozisht ekonominë duhet të merremi me ligjet, parimet apo aksiomat e saj, jo me sllogane propagandistike, je me 99% apo me 99,99% apo me 99,9999 %.

AK-ja mendoj se me gjithëpërfshirje, nënkupton që nuk mund të cilësojë 20% si të nënës e 80% si të njerkës dhe anasjelltas, 80% si të nënës e 20% si të njerkës. Por edhe nëse në teori do ta bënte dallimin, në praktike do të ishte realisht e pamundur sepse parimi i Paretos i referohet çdo sistemi, pra edhe atij ku do të bënte pjesë vetë AK-ja (si kundërshembull PS-ja mos po lufton vallë pasanikët, kur është plot  me të tillë ?). Mos të hecim me utopizma, por me këmbët në tokë dhe në parimet e ekonomisë, kemi një qëllim që është Bashkimi Kombëtar, ky qëllim kërkon edhe idealizëm edhe realizëm.

Nga ana tjetër, kur Ismail Qemali, Luigj Gurakuqi e Isa Boletini  ngrinin flamurin në Vlorë, e më pas qeverinë, kush nga këta ishte i majtë apo i djathtë ? Mos vallë meqë s’na paskan qenë të majtë apo të djathtë, na paskan qenë sharlatanë apo të pavendosur e pa një vizion serioz për të ardhmen e vendit ?

Po kështu, kur Fan Noli, Bajram Curri, Hasan Prishtina etj udhëhiqnin në vitet ’20, krahun nacionalist në politike, cili nga këta ishte i majtë apo i djathtë ?

Për mendimin tim  Aleanca KuqeZi, ndër të tjera, përbën një nxitje për reflektim, sidomos për ata që duan të dalin nga kjo vorbull politike 20 vjeçare, e cila po e gëlltit Shqipërinë, po e çon në falimentim. Cdo bir shqiptari brenda vetes është kuqezi, duhet vetëm të fillojë e të mendojë kuqezi, atëherë ka për të kuptuar se gjithëpërfshirja nuk është ndonjë kimerë, por diçka e realizueshme dhe e domosdoshme për të ardhmen. Po na e thonë edhe ambasadorët, që janë të huaj, nga ai danez Jensen tek ish-ambasadori Uidhers, që problemi themelor është se politika nuk sheh interesin kombëtar, si ka mundësi që ne shqiptarët nuk jemi në gjendje ta shohim këtë si problem themelor, por këmbëngulim tek e majta apo e djathta ?

Tani si mund të shohim interesin kombëtar pa patur më parë një identitet të fortë kombëtar ? Si mund të shohim interesin kombëtar nëse nuk kemi një identitet të fortë kombëtar, i cili e zbut atë interesin aq të theksuar personal të shqiptarit ?

Këtu vemi tek veprimtaria e Aleancës KuqeZi, që jo më kot ëshë e përqendruar tek elementët që forcojnë identitetin kombëtar. Dikush mund ta quajë formalizëm e simbolizëm, por në fakt dobësimi i identitetit shqiptar ka ardhur pikërisht në këto rrafshe, ka shqiptarë që i thonë flamurit një copë rrecke, ka shqiptarë që denigrojnë figurat kombëtare, ka shqiptarë që për detin e Shqipërisë thonë ujëra me ca peshq brenda e me radhë.

Të tjerë kanë folur për populizëm e folklorizëm, a thua se populli, folku, na qenkesh gjë e keqe. Fjala aq e respektuar folklor, sot është kthyer (homologuar) në fjalë të përbuzshme. Por këtu harrohet se kultura kombëtare është thellësisht popullore, është thellësisht folklorike. A nuk është edhe vetë veprimtaria letrare e Kadaresë së madh, thellësisht e ndikuar nga folklori shqiptar ? Për cilën arsye, një lëvizje kombëtare na u dashka shkëputur nga kultura kombëtare ? Pse xhanëm, u dashka që të ketë në themel kulturë  elitiste, kur kjo e fundit mbart pikëpyetje të mëdha ekzistenciale, dmth ende nuk dihet sa është kombëtare, sa është shqiptare dhe sa është e huaj.

Përkundrazi, janë themelet kombëtare, folklorike a jo, ato që mbajnë edhe ngrehinën e vlerave kombëtare, vlerave historike shqiptare, pa të cilat asnjë levizje nuk mund të quhet Kuq e Zi. A nuk do të ishte rremësisht Kuq e Zi, një lëvizje që nuk mbështetet tek vlerat kombëtare, tek figurat kombëtare, tek kultura kombëtare me bazë folklorike ?

Si përfundim, këto çështje thelbësore, ekzistenciale, qenësore, mendoj se janë të panegociueshme, po aq sa janë të panegociueshme pavarësia, kufijtë e liria. Pëlhura kombëtare është dëmtuar rëndë, nevojitet një proçes riparimi, rithurjeje, por kjo rithurje e ka të domosdoshme rikthimin tek rrënjët, tek energjitë parore, tek faktorët të cilët e mundësuan këtë pëlhurë kombëtare. Besoj se do të kish qenë shumë më e lehtë për Aleancën KuqeZi  sikur që nga lindja të tirrte lesh socio-politik, por zgjodhi diçka shumë më të vështirë e shumë më fisnike, përtëritjen e pëlhurës kombëtare.

Ledjan Prifti

 

 

 

36 KOMENTE

Klodiani

27/01/2012

arrow

Perderisa nuk keni as guximin me te vogel qe te dilini me nje program ekonomik, qoft i
majte apo i djathte nuk shikoj te ardhme per aleancen tuaj.

Ju nuk jeni subjek emancipues qe sjell ndryshime, por vetem konformues dhe pershtates.

Perndryshe, fabulat per bashkimin europian nuk pine me uje. Nese do te egzistone kushtezim i tille atehere ne BE nuk do te kishte te djathte dhe te majte.

Gjithashtu interesat te 80% nuk perputhen me ato te 20%.

Perfundimisht, tregoni pak guxim sepse kjo qasje nuk do tju sjelle sukses.

Ledjan

27/01/2012

arrow

Klodian:
– Nga ana tjetër, kur Ismail Qemali, Luigj Gurakuqi e Isa Boletini ngrinin flamurin në Vlorë, e më pas qeverinë, kush nga këta ishte i majtë apo i djathtë ?

Behet fjale per nje qasje zanafillore, me program origjinal por jo pa origjine. Emancipimi duhet konceptuar si rifillim i nje rruge te re sepse kjo ku po udhetojme eshte rruge qorre.
Kush pastaj mendon se po udhetojme ne rrugen e duhur, mund te vazhdoje.

    Klodian

    27/01/2012

    arrow

    Ismail Qemali e Luigj Gurakuqi po perpiqeshin te shallin pavarsine te
    nje shteti e prapambetur agrar.
    Normalisht qe nuk behet fjale per ideologji ekonomike ne rethana te tilla.
    Ndera nese ju merni te qeverisni vendin jemi ne kushte te tjera ne shekullin 21.

beni

27/01/2012

arrow

Nonsens!
Ose e duani taksen e sheshte (djathtas) ose ate progresive (majtas).
Tani hajde tejkalohe kete.

plarent

27/01/2012

arrow

Mendoj qe koncepti i gjithpershirjes eshte nje koncept shume i madh. Emplementimi i ketij koncepti kaq te madh dhe shume domethenes per ditet e sotme ne shoqerine shqiptare kerkon dhe nje evolim teper te madh te mentalitetit shqiptar. Nuk eshte thesht problemi qe ne gjithperfshirje duhet te kujtojme koherat e shkuara, te cilat natyrisht kane vlera te medha kombetare dhe jane tregues shume te mire per brezat e ardhshem, por ne gjithperfshirje shqiptaret duhet te kuptojne qe ,kur behet fjale per interesat kombetare, politika ka nje interes unik.
Shqiptaret kur te arrijne te shohin larg, qe do thote te shohin interesin publik qe indirekt do te thote interesin kombetar atehere do te kemi gjithpershirje te gjithe faktoreve. Nuk ka gjitheperfshirje me nje vizion pragmatist.
Pastaj ne lidhje me politikat ekonomike ,po shkohet drejt asaj qe quhet globalizim, dhe politikat ekonomike do jene njelloj ne cdo vend, gje qe ben te mundur eliminimin ne thelb te politikave te dhjathta apo te majta.

europeisti

27/01/2012

arrow

Ja pra edhe ketu duket ideja juaj totalitariste.Ju nuk pretendoni te perfaesoni nje ktegori te caktuar por te gjithe shoqerine shqiptare.pra,sipas llogjikes se ketij shkrimi ne skenen politike shqiptare duhej te ekzistonte vetem Ak-ja dhe c’do parti tjeter politike do te ishte e tepert (c’ju kujton kjo menyre qasjeje?!).Te lutem mos i’u fut analizave ekonomike ne kete menyre kaq te percipte dhe spekullative.Sot eshte globalizmi ai qe dikton politikat ekonomike sic e thekson edhe parafolesi.A me shpjegon se si e ndikon deficiti buxhetor ne uljen valutore?Nga e ke gjetur shifren 350 milion dollare deficit tregtar vetem per muajin dhjetor?zakonisht statistikat vleresojne deficitin tregtar vjetor qe ndonese nuk eshte ne shifrat qe permend,mbetet shume i larte dhe per zbutjen e ketij dificiti nje kontibut te jashtezakonshem e japin emrigrantet shqiptare me dergesat dhe investimet e tyre (sidomos emigrantet qe jetojne ne Greqi,te cilet kryetari juaj s’le rast pa i fyer).
Po,politikanet shqiptare te viteve ’20 e kane patur nje perkatesi politike.Noli njihet boterisht qe ishte i majte (donte te realizonte reformen agrare),Ismail Qemali ka qene per vite me radhe deputet ne parlamentin e Perandorise Osmane,pra edhe ai e ka pasur nje perkatesi politike.Mua jen keto tendecat gjithperfshirese qe me shqetesojne.

Ledjan

27/01/2012

arrow

Beni gjithe Europa Perendimore, Amerika, Kanadaja, Japonia etj zbatojne taksimin progresiv, e kane zbatuar gjithnje. Italia kriterin progresiv e ka edhe ne Kushtetute.
Gjermania naziste ka pasur taksim rigorozisht progresiv, po kjo nuk e bente te majte.
E verteta eshte qe taksa e sheshte si koncept ka dale ne nes te viteve ’50 , nuk eshte aplikuar gjekundi ne Perendim, por po aplikohet ne vendet e Europes lindore.

Prandaj ky lloj dallimi qe beni ju eshte abuziv, nuk ka te majte a te djathte ne kete mes, dokrrat ne kete drejtim i thone Rama me Berishen dhe i hane shqiptaret.

p.s perpiquni te mos paragjykoni dhe te leshoni akuza e etiketime pa dorashka. Kjo eshte faqe zyrtare, nuk eshte forum, mundesia e komenteve jepet per debat konstruktiv mes perkrahesve dhe kritikeve. Kush vjen per troll apo pandeh se mund te hyje duke lene jashte etiken e komunikimit, ka gabuar adrese.

    Beni

    27/01/2012

    arrow

    Po une pajtohem me ju qe :”gjithe Europa Perendimore, Amerika, Kanadaja, Japonia etj zbatojne taksimin progresiv” por kjo gjithsesi eshte pozicion i majte.
    Eshte e ditur qe gjithandej botes ka politika te majta qe jane ne zbatim si psh:
    arsimi publik, shendetsia publike dhe universale, ndihma sociale, etj, etj.
    Historikisht keto jane vendime politike qe jane mare kur keto vende kane
    qene te udhehequra nga parti te majta apo qendres se majte si Demotratet Amerikan apo Laburistet Angles dhe te gjitha partite e djatha duan ti heqin keto por nuk arijne dot sepse opinioni publik nuk pajtohet me kete.
    Mirpo faktet empirike te cilat i numeroni ju nuk e ndryshon thelbin e ceshtjes.

      Ledjan

      27/01/2012

      arrow

      Beni a e dini ju se e para qeveri ne bote qe njohu te drejten e pensionit ka qene qeveria e Bismarkut ? Ka disa gjera qe thjesht duhen bere, qe nuk lidhen me te majten e te djathten. Ju besoj e dini qe gjysma e popullsise se Romes se lashte (qytetit,urbes) jetojne me ate qe sot quhet asistence sociale, pra ushqeheshin me fondet shteterore, kishin bileta per ne Kolose e me radhe.

      Mos valle perandoret romake ishin te majte ?

      Ka shume politika qe synojne paqen sociale ose kohezionin social, jo detyrimisht keto jane te majta, perndryshe do nxjerrim perandoret romake, Bismarkun, Hitlerin, republikanet amerikane si marksiste. Vetem Berisha mund te beje llogje te tilla qe te quaje marksiste ata qe jane per taksen progresive.

europeisti

28/01/2012

arrow

Po nuk e shpiku Marksi taksimin progresiv,ai kishte ne mendje nje shoqeri krejt tjeter.Pse te duket cudi qe nga antikiteti mund te na vijne shembuj idesh te majta pa u njohur me nje emertim te tilla (ndarja “e majta” e “djatha” eshte krejtesisht konvencionale dhe eshte bere relativisht vone).Pastaj,ne kushte te caktuara cdo vend eshte i detyruar te ndjeke disa politika te majta ose te djathta pavaresisht nga perkatesia politike e qeverise.Ju si levizje meqe ra fjala,jeni pro takses se sheshte apo taksimit progresiv?

beni

28/01/2012

arrow

Jo nuk jam ne dijeni te ketij fakti. Por gjithashtu nuk besoj se eshte relevant apo i njejti koncept.
Tani besoj qe edhe ti seriozisht nuk e konsideron qe nese ndonje qytetar i Romes skllavopronare ka mare ndonje forme pagese se di per cfar arsye se eshte e njejta gje me konceptin modern te ndihmes sociale.

Mendoj qe diskutimi duhet te shikohet ne kuader te koncepteve bashkohore te se djathtes dhe te majtes. Ne kete kuader te djathtet nuk besojne ne solidaritet shoqeror por e vene theksin tek individualizmi. Si rrjedhoje qendrimi i djathte eshte qe njeriu duhet i vetem te gjindet sipas aftesive te veta per arsim, kursim per pension, te bleje sigurim shendetsor nga ndermarje private, etj, etj.
Ky eshte diskursi bashkohor rreth ketyre gjerave dhe ato jane vlera ne te cilat ti beson ose jo.
Tani ti meqe e permende Marksin, me duket qe ke nje averzion iracional ndaj te majtes qe lidhet me te kaluar komuniste tone, ose je i djathte the nuk do ta pranosh.
Personalisht une mendoj qe e djathta si koncept eshte ne kundershtim me nacionalizmin.
Te djathteve nuk i duhet atdheu qe nga koha e Adam Smithit dhe tejkalimit te konceptit te ekonomise kombetare merkantaliste. Ata duan tregje, bashkesi shumkombshe me sa me
shume konsumatore. Ky eshte koncepti libertarian ose ne formen me moderne dhe extreme neoliberal. Tani ti do te thuash edhe marksi fliste qe proletariati nuk ka atdhe, etj, etj.
Por marksi eshte vetem nje nga shume filozofe te majte, i tejkaluar ne kushtet e sotme dhe skemi pse te bazohemi ne te me.

Franc J.

28/01/2012

arrow

Gjynah shumë që ziheni kot. Heroji ynë i madh, Skënderbeu, u përpoq ti bashkonte shqiptarët dhe të luftonte dashakeqësit e shqiptarëve. Ky hero rilindi, por në formë të një aleance dhe mund të vini re se ka paralele mes veprimtarisë së Skendërbeut dhe asaj të Aleancës KuqeZi. Gjithashtu Skendërbeu zbatonte ligjet të atëherëshme (kanunin e Lekë Dukagjinit dhe atë të Arbërisë ose ndryshe të Skendërbeut) dhe Aleanca KuqeZi ka si synim të mbrojë ligjet e sotme (kushtetutën).

Tani, për të hyr në temën e kësaj deklarate, doja t’ju them: o Klodi, o Beni apo të tjerët, kush ju ka thënë që ekzistojnë vetëm këto dy alternativat, hë? Ju kanë sjell juve lumturi dhe fat dhe kënaqësi, si duket jo. Plus që palet nuk janë dashamirësë ndaj shqiptarëve.
Mund të jesh komunist dhe dashamirës (Kinë), mund të jesh i djathtë dhe dashamirës (Gjermani, Francë), ore unë dua me ja dalë këtu: mund të jesh satanist dhe dashamirës, por ka rëndësi që të jesh dashamirës ndaj njerëzve të kombit që don të drejtosh. Kjo është Aleanca KuqeZi, kjo nuk është qeverisja e tanishme.

Franc J.

    beni

    28/01/2012

    arrow

    Ore Franc, pajtohem me dashamiresine, po cka lidhje kjo me muabetin qe
    benim ore burre ?
    Sa per Skenderbene, eshte vertet nje simbol i kombit dhe zoti ja falte xhenetne,
    po lere njeriun rehat te dergjet tani jemi ne shekullin 21.

      Franc J.

      28/01/2012

      arrow

      Pikë së pari, thjesht tash që ka paralele, dhe nëse shqiptarët e duan Skënderbeun, kanë për ta dashur gjithashtu aleancën. Dhe së dyti, harroje të majtën dhe të djathën, rendësi ka që një politikan burrë t’i kryej punët sagllam me motivimin e dashamirësisë ndaj kombit. Saliu nuk i bën punët sagllam as nuk e don popullin shqiptar!

        beni

        28/01/2012

        arrow

        Po pajtohem me ty per dashurine ndaj kombit si dhe per punon Saliut por edhe te Ramens do te shtoja. Ane te ndryshme te se njejtes medalje.
        Por ajo qe une dua te them per aleancen, dhe kete e bej me dashamiresi eshte qe dashuria ndaj kombit nuk mjafton.
        Ta leme menjane per nje cast patriotizin. Nje parti serioze qe pretendon
        pushtetin duhet te kete program qeverises, vizion se si do ta zhvilloje
        shtetin. Dhe kur vime ne kete pike atehere politikat qe do te ndiqen do te
        jene te majta ose te djathta. The them qe udheheqesija e kesaj aleance ose nuk e ka vezion, ose nuk kane guxim te mbajne qendrim duke u trembur mos portretizohen si “komunist” ose te afert me salen.

          Franc J.

          28/01/2012

          arrow

          Ah dakord e kuptova tani. Programi i aleancës do të publikohet në maj të këti viti (siç tha vet z. Spahiu) dhe ka dhe mundësi që të jetë në mes fare, edhe kjo është një drejtim politik. Mos kujto që kjo lëvizje nuk ka guxim, madje ka goxha se përballen drejtpërdrejt më gjestet të gabuara e politikës shqiptare.

plarent

28/01/2012

arrow

Duke ju referuar teorise te shprehur ne fjale te thjeshta, politikat ekonomike te djathta nenkupton qe ne nje shoqeri ha buke ai qe eshte i zoti, pra ai qe eshte produktiv dhe efiçent ne punen e tij, normal duke respektuar rregullat e shtetit. Kurse me politikat e majta hane buke te gjithe edhe ai qe nuk jep asnje produkt shoqerise por vetem i merr asaj. Une mendoj qe politikat e majta ndikojne negativisht edhe tek ato individe te cilet jane prouktiv me vepren e tyre, sepse duke pare indiferentizmin e atyre individeve qe vetem i marrin shoqerise dhe nuk i japin asaj, ul egoizmin e ketyre individeve qe jane produktive per te rritur efiçiencen e tyre.
Per sa i perket takses se sheshte, une mendoj qe taksa e sheshte mund te aplikohet por me dy kushte: e para te zgjerohet ne maksimum baza e tatushme qe do te thote te paguajne te gjithe, pra eliminimi total i ekonomise informale, dhe e dyta ulja e shpenzimeve publike te cilat evidentohen ne fryrjen e administrates publike, tek administrimi efiçent i te ardhurave publike.
Kjo do te sjelle me shume kursime buxhetin e shtetit, nga te cilat mund te kemi me shume lek per investimet ne shendetesi, arsim apo ne ndonje sektor tjeter strategjik publik, qe do te bente te mundur rritjen e mirqenjes ne vend

    beni

    28/01/2012

    arrow

    Plarent, separi sipas konceptit te se djathtes nuk duhet te kete shendetsi publike apo arsim publik. GJithashtu fundamentalistet e tregut nuk besojne ne sektore strategjik.
    Sipas konceptit libertarian ose me ekstrem neoliberal, shteti vetem duhet te garantoje ligjin dhe mos perzihet ne asgje. Kjo eshte e djathta moderne. Gjithashtu, taksa e sheshte nuk eshte e drejte sepse paguan 10% te ardhurave si nje mesues qe mer 200 euro ashtu edhe nje biznesmen me 100000 euro. Tani per nje person qe mezi e mbaron muajin 20 euro jane shume, ndersa nje biznesmen mund te jape pak me shume se nuk i prish shume pune, nje benz me pak 🙂
    Se fundmi, kritika jote ndaj se majtes si referohet te ashtuquajturit “shtet social”. Por
    ky eshte koncept i tejkaluar tani dhe vetem perdoret ne menyre stereotipe kunder politikave te majta.

      plarent

      28/01/2012

      arrow

      Eshte e vertet qe politikat e djathta do te thote qe nuk ka shendet publik apo arsim publik,dhe une kete e thashe me lart ne fjale te thjeshta qe ai qe punon dhe jep produkte ha buke, ai qe nuk jep asgje vdes urie. Pastaj ne ekonomine e tregun nuk eshte e thene se te gjithe duhet te kene benza…hahhaha.Ndersa shtet social do te thote qe do hane buke te gjithe, sepse teorikisht nuk mund te kete sistem kapitalist qe bashkejeton me nje sistem social se jane kondradiktore. O do jesh kapitalist o social.
      Politika te djathta te mirfillta nuk ka sot ne europe.

        beni

        28/01/2012

        arrow

        Po pajtohem qe nuk ka politika te mirfillta te djathta ne Europe,
        por nga ana tjeter me politika te tilla po eksperimentohet ne Europen
        Lindore dhe ne disa shtete te Amerikes Jugore.

        Personalisht, une mendoj qe fundamentalizmi i tregut te lire eshte nje utopi dhe ekstremi i kundert i komunizmit.
        Une jam per nje ekonomi moerne kenziane dhe e mbeshtes komceptin e
        “shtetit zhvillimor”, kjo eshte nje koncept i qendres ose qentres se majte varesisht se a shikon me syte e nje Amerikani apo Europini,
        keto jane vlerat ne te cilat une besoj, dhe mund te pajtohemi qe te mos pajtohemi.

          plarent

          29/01/2012

          arrow

          Per mendimin tim vendet perendimore nuk aplikojne politika te djathta te mirefillta per arsy se: e para nuk aplikojne taksen e sheshte por ate progresive sepse evazioni fiskal eshte teper i larte dhe duke aplikuar taksen progresive arrijne te mbushin arken e shtetit, kurse ne shqiperi aplikohet taksa e sheshte per interesat e pushtetareve dhe jo se ato jane te interesuar te aplikojne politika te djathta sespe sic e kam thene perpara kur aplikohet takse e sheshte duhet eliminuar evazioni dhe ulur shpenzimet publike, ne te kundert çon ne rritjen e borxhit publik. E dyta qe perendimi nuk aplikon politika te djathta eshte edhe fakti qe nuk do qe te krijoje konflikte mes njerezve dhe politika mos te krijoje pakenaqesi ne njerez.
          Ndersa per sa i perket tregut te lire un mendoj qe nuk eshte utopi por eshte koncept i zhvillimit ekonomik, pasi ne baze te ketij koncepti gjithe bota perendimore eshte zhvilluar. Nese do e shohim me ne detaj tregu u lire koncepton lirine ekonomike, koncepton qe cdo individ eshte i lire te zhvilloje nje sipermarrje kundrejt detyrimeve te shtetit dhe duke zhvilluar nje konkurrence te ndershme. Ne tregun e lire mbijeton ai qe eshte i zoti ne respekt te detyrimeve te shtetit dhe konkurences se ndershme. Mbijeton ai qe ofron cilesine me te mire dhe cmimin me te mire. Nuk eshte liri ekonomike sic ka europa perendimore per te marre nje sipermarrje, ku numri i licensave eshte me numer te mbyllur duke krijuar oligopole. Sic e thashe ne treg te lire duhet te kete liri ekonomike, ne menyre qe cdo individ mund te kete mundesine te marre nje sipermarje, pastaj zotesia e tij do tregoje nese eshte i afte te mbijetoje ne treg, gjithmone duke respektuar rregullat e tregut te lire.

beni

29/01/2012

arrow

Eshte pikerisht perzierja e qellimshme e lirive dhe te drejtave personale te individid si koncept
themelor i demokracise, me te ashtuquajturen liri per te bere biznes ne menyre te papenguar qe perdoret per te justifikuar politikat neoliberale.
Nuk mund te behet biznes pa licenca dhe pa rregula ligjore. Sepse individi ka interesin e pervecem mbi te gjitha, ndersa shteti duhet te garantoje njefar barazi relative dhe njefare mirqenje minimale per te gjithe.
Vete Thomas Friedman, nje nga ideatoret kryesor te ketij koncepti ka thene qe i vetmi detyrim
moral i nje korporate eshte qe te beje profit. Dhe nese shteti nuk perzihet fare duke ndjekur
politika deregullative duke i lene korporatat ne lakmine e tyre na ndodhin kriza si kjo e fundit globale. Dhe ne fund perseri duhet te harxhojne para te taksapaguesve per ti shpetuar keto ndermarje dhe per te parandaluar nje kolaps ekonomik.
Mos haro edhe nje gje, Banka boterore me te ashtuquajturin index i te berit biznes ku inkurajon
deregullimin eshte ne kundershtim me gjendjen reale. Shtetet me zhvillim me te larte ne bote sot
si Brazili, India e Kina dalin me se keqi ne ate raport. Pra eshte mire mos kete bariera ne Biznes
por kjo nuk eshte thelbesore per zhvillimin ekonomik.
Perndryshe, as biznesmeneve nuk i konvenon te jetojne ne vilat e tyre te rrethuar me kasolle ku jetojne njerez te varfer qe eventualisht meren me krim per te mbijetur. Edhe biznesmenet kane nevoj per njerez te edukuar qe ti ja menaxhojne ndermarjet, sepse kete gje nuk e bejne dot cunat e tyre te perkedhelur neper kojegjet private. Kete e kuptuan edhe 25 biznesmenet me te medhej te Frances kur publikisht i kerkuan shtetit qe te taksohen me shume sepse ata mund ta
perballojne kete.
Taksa e shehte eshte nje koncept plotesisht i gabuar. I ashtuquajturi “trickle down” efekt nuk funkcionon ne praktite. Vetem shiko cka ndodhur ne SHBA qe nga
fundi i viteve te 70 kur u braktisen politikat kenziane. Dallimi ndermjet pages mesatare dhe pages
te nje CEO nda 1 me 50 u rit ne 1 me 300. Nuk ka ritje thelbesore te rrogave ne 20 vitet e fundit
nese marim parasysh inflacionin. Ne Amerike nuk ka takse te sheshte do te thoshe, por ka mundesi te shumta ligjore qe perdoren nga pasaniket per tju shmangur detyrimeve ndaj shtetit qe ka te njejtin efekt final.
Gjithashtu mos haro qe ka tregje “natyrale” monopolistike. Dhe ne kete rast nje monopol shteteror ose oligopole te persier shteteror dhe privat jane te domosdoshme per te mrojtur konsumatorin.
Fundamentalizmi i tregut te lire nuk i jep zgjidje kesaj ceshtje.
Se fundmi, nuk pajtohem qe shteti duhet te jete i vogel. Eshte e vertete qe shteti eshte me pak eficent, por eshte nje kunderpeshe e demosdoshme ndaj fuqise se biznesit. Ndoshta me shtet kemi korupcion, por kur klasa e biznesit arin fuqine e tyre maksimale sipas konceptit neoliberal
ata kane mundesine te ndikojne ne shtet dhe ligjvenje per te miratuar ligjet si i konvenon atyre.
Pra me nuk ka nevoje per korupsion sepse korupsioni behet ne menyre legale. Shiko vetem cpo ndodh ne SHBA. Eshte e pamundshme per nje politikan sa do qellim mire te jete ti kundervihet foces lobuese.

    plarent

    29/01/2012

    arrow

    Une nuk thashe qe duhet bere biznes pa rregulla dhe ligje, por thashe qe shteti duhet te krijoj liri veprimi ne sipermarrje gjithmone ne zbatim te rregullave dhe ligjeve. Ne politikat e djathta nuk garantohen mireqenie minimale, as barazi relative sepse ai qe punon fiton. Normal qe per korporatat eshte ne plan te pare rritja e kuotes ne treg dhe profiti. Shteti nderhyn kur ka veprime te parregullta nga keto dhe zhvillojne veprimtari jo korrekte ne treg. Nderhyrja e shtetit per te ndihmuar keto nderrmarje behet per te ndihmuar puntoret, se ne fund te fundit nje biznes dhe mund te falimentoje.Falimentimi mund te vije nga ke menaxhimi i tyre.Nese do kete zhvillim te bisneseve do kete dhe fronte pune, dhe si pasoje njerezit nuk do rrinin ne kasolle.
    Biznesmenet franceze e kerkuan se finanacat publike po kalonin ne krize, dhe kjo krize vjen si pasoje e evazionit fiskal dhe shpenzimet publike te medha qe rrisin borxhin.
    Rritja e pagave vjen duke ulur evazionin fiskal si dhe duke zvogluar numrin e punojsve ne administrate, duke mbajtur administrate efiçente dhe jo militante.
    Po me ben pershtypje se si oligopolet ose monopolet mbrojne konsumatorin, me sa di une sa me shume operatore te kete per nje treg te caktuar do te thote me shume mundesi zgjedhje per konsumatorin si dhe me shume konkurence. Shteti i madh rendon tek taksapaguesit dhe e dyta eshte me pak efiçent dhe eshte nje nga shkaqet qe krijon krize ne financat publike.
    Normal, ne kapitalizem ato qe do kene pushtetin ekonomik kane probabilitetin me te madhe qe te marrin pushtetin politik.

Ledjan

29/01/2012

arrow

Pershendetje Plarent!
Diskutimi juaj eshte shume interesant, por njekohesisht te dy treguat sa e veshtire eshte te mbrohet nje qendrim si pastertisht i majte apo i djathte.

Tregu i lire ekziston ne teori, por mjafton veç fakti qe çmimet kontrollohen nga shteti (tavan e dysheme) qe te mos flitet me per treg te lire te kulluar.
Me tej ne nivel te tregtise se jashtme nuk duhet harruar se mallrat e subvencionuar nga shtetet nuk ndihmojne identifikimin e eksportimit te tyre si brenda rregullave te tregut te lire e konkurrences. Nje shembull jane mallrat bujqesore te BE-se qe hyjne ne Shqiperi.

Ne raste si ky i fundit, tregu i lire paradoksalisht rregullohet fale doganave qe zerojne kontributin,subvencionin e shtetit eksportues. Ne rast se mungojne doganat tregu i lire eshte thjesht nje manover e shtetit qe eshte ne gjendje te subvencionoje per te rrenuar ekonomine e nje shteti qe nuk eshte ne gjendje te subvencionoje, pra si BE-ja (Itali,Greqi) me Shqiperine.

Me shume sesa tregu i lire, marredheniet mes shteteve serioze rregullohen ne thelb fale tregtise se barabarte dhe per kete ne mungese te doganave (qe gjithsesi praktikohen ne marredheniet mes SHBA-se dhe BE-se ) sherbejne edhe kuotat e ndryshme te importit, taksimi, subvencionimet etj.

Persa i perket çeshtjes se takses se sheshte, kjo qendron jashte aspektit ideologjik dhe eshte e debatuar ende mes ekonomisteve, fakti qe ende asnje vend i zhvilluar nuk e praktikon nuk lidhet me sukseset ‘e majta’ por me dyshimet e forta qe kane ekonomistet.

Taksa e sheshte mund te praktikohet ta zeme ne masen 30% duke lene jashte kategorine e varfer.
Nga ana tjeter ne taksimin progresiv, mund te niset nga 15 % per kategorine me me pak te ardhura, çka do te ishte per kete kategori po njesoj sikur te ishte taksimi i sheshte 15%. Por ketu do te hynim ne çeshtjen e drejtesise sociale.

Ne kete kendveshtrim, mendoj se ndersa taksa progresive mund te njihet si e konsoliduar, prandaj parimisht e parapelqyer, taksa e sheshte perben ende nje mekanizem eksperimental.

Problemi i pare i cili duhet zgjidhur ne Shqiperi eshte papunesia, prandaj mendoj se masat kunder papunesise nuk duhen pare ne prizmin e ngushte parimor te majta apo te djathta. Kunder papunesise ne nivelet tona, per mendimin tim nevojiten sa shpenzimet e medha publike aq edhe favorizimi i biznesit qofte edhe perkohesisht fale favorizimeve fiskale (perfshire perkohesisht taksen e sheshte, por jo si çeshtje parimore, thjesht per nje afat 4-5 vjeçar, gjithnje nese deshmohet me analiza konkrete se kjo eshte e domosdoshme).

Nuk duhet te imitojme vendet e zhvilluara ne stadin e tyre aktual, sepse nuk jemi vend i zhvilluar, duhet t’i imitojme kur keto vende ishin ne stadin tone, pra si vende ne zhvillim. E thene ndryshe duhet te shohim politikat qe keto vende kane ndjekur ne periudhen 1850 – 1950 duke ia pershtatur natyrisht ndryshimeve strukturore te ketyre 50 vjeteve te fundit (rritja e pamase e terciarit) si dhe nevojave politike (perfshirja ne BE).

Shteti ka ende rol kyç, sidomos ne kushtet e domosdoshmerise se veprave te medha infrastrukturore si dhe te nevojave te sipermarrjeve shqiptare per subvencionime apo mbrojtje ndaj prodhimit te huaj te subvencionuar, prandaj edhe nevojitet qe ky shtet te mos jete ne duart e banditeve, interesave personale e klanore.

europeisti

30/01/2012

arrow

Ledjan taksa(ne fakt eshte tatim) e sheshte le jashte vetem te ardhurat minimale por,godet njelloj te ardhurat mesatare me te ardhurat e larta.Pse ju nuk mendoni se keqshprendarja e pasurise eshte nje problem aktual ne Shqiperi?atehere,paskeni bindje te djathta.Perkundrazi,tatimi progresiv si kale beteje ka “drejtesine sociale”.Parashikon nje tatim te ulet per nivelin e te ardhurave baze dhe me rritjen e sasise se te ardhurave tatimi rritet me shume sesa progresivisht.

    Beni

    30/01/2012

    arrow

    Europeisti, cdo person qe kupton c’eshte e majta apo e djathta pertej
    paragjykimeve emocionale nga koha e komunizmit, eshte i me shume ose me pak majte. Eshte kunder interesit personal te gjithsecilit qe nuk eshte biznesmen super i pasur te jesh i djathe. Per me shume nese je i djathe ka me shume kuptim te jesh kosmopolit (individualist) sesa nacionalist. Por problemi ne Shqipri eshte se ka nje ngarkese te pakuptimte emocionale kunder te majtes qe vjen nga e kaluara.

toni

30/01/2012

arrow

Titulli i ketij shkrimi ma kujton slloganin e Edi Rames: “Pertej se majtes dhe pwrtej se djathes”
Me fjal te tjera i dua votat e te gjitheve 🙂

europeisti

30/01/2012

arrow

Pa dyshim qe sot ne te gjithe boten ekziston nje e ndermjetme mes te majtes dhe se djathtes nje kapitalizem i mbikqyrur nga shteti,diku me shume edhe diku me pak.Gjithsesi nuk ta pranoj se kozmopolitet shohin me shume djathtas.Ne te gjithe boten levizjet nacionaliste konsiderohen te djathta dhe perkundrazi,e majta historikisht ka aspiruar drejt nderkombetares,tejkalimit te kufijve,zbutjes se dallimeve kombetare,fetare dhe racore (Marksi komunizmin e parashikonte ne nivel global).Mbase ke te drejte qe ne Shqiperi e paragjykojne akoma te majten.Gjithsesi,une mendoj se ne fillimet e post-komunizmit ishin me te nevojshme politikat e djathta duke qene se biznesi privat nuk ekzistonte,keshtu qe duhej stimuluar.Sot,verej ne Shqiperi nje diference te skajshme mes te pasurve dhe te verferve prandaj,mendoj se do ishte me vend te shihnim pak me majtas.

Beni

30/01/2012

arrow

Po e ndegjoj shpesh kete argument qe e djathta historikisht qenka nacionaliste ndersa e majta jo.
Po tani haj ti shofim pak faktet por edhe te bejme analize filozofike ketyre 2 koncepteve.
Separi e djatha nuk eshte nacionaliste qe ne kohen e ekonomise merkantaliste, pra para kohes se
Adam Smithit. E djatha ka qene nacinalise edhe ne kohen e Hitlerit, por kjo eshe me shume Nacizem sesa ka te beje me ndonje parim te djathe.
Tani pervec ketyre 2 rasteve, a mund te me tregosh se cila eshte kjo e djathe historike nacionliste,
pa hyre fare ketu ne lloj lloj grupe neonaciste apo raciste qe quhen te djatha, por qe nuk kane lidhje me parimet e djathta ekonomike.
Perkundrazi, eshte e djatha ajo qe kerkon tregje te hapura, tregeti te lire, organizata mbincaionale etj. Pra te djathes nuk i duhen shume kombe, por nje komb, me shume individe
si konsumatore. Per me shume e djathta kultivon kultin e individit, ndersa nacionalizmi eshte
kult i te perbashktes.
Ajo qe thua per Marksizmin eshte e vertete, edhe une ketu nuk po bej advokatine e Marksit.
Marksi eshte nje filozof i zoti, por idete e tij jane te tejkaluara tani me. E majta moderne ska te beje me Marksin.
Per me shume, une nuk jam ndonje i majte ekstrem. Veten e konsideroj diku ndermjet qendres
dhe qendres se majte. Por nese i shikon vlerat qe promovon e majta ne kuptimin e kultit te se
perbashktes eshte shume me afer nacinalizmit.

europeisti

31/01/2012

arrow

Beni e ke thene vete m,e pare qe shoqeria e sotme noton mes dy ekstremeve (ideve liberaliste te Smithit dhe ekonomise se planifikuar te Marksit).Te dyja jane te tejkaluara ne versionin e tyre bruto,por ide te moderuara te atyre modeleve klasike gjenden ende ne sistemet e sotme ekonomike (kapitalizmi pothuajse liberal nga njera ane dhe social-revizionizmi nga ana tjeter.
Analizes tende midis se djathtes dhe nacionalizmit i mungon nje element i rendesishem.Dallimi midis se djathtes konservatore dhe asaj liberale.Nacionaliste eshte e djathta konservatore.(Shih sot te gjitha partite nacionaliste ne Europe,jane parti te djathta (ekstreme ose te pakten jo te qendres se djathte).Jane ato parti qe kundeshtojne imigracionin,”myslymanizimin e Europes perendimore” sic e quajne,pranimin e Turqise ne B.E.Pergjithesisht jane parti euro-skeptike (shih p.sh protestat qe po ben keto dite e djathta ne Hungari kunder B.E-se)Pra,e djathta konservatore eshte ajo qe eshte kunder levizjes se lire te njerezve dhe mallrave.Kurse partite e qenders se majte jane pothuajse te gjitha europeiste,mbeshtesin imigrimin e kontrolluar,s’kane ndonje fobi ndaj te huajve apo myslymanave.Po sigurisht qe nazizmi dhe fashizmi jane shpreje ekstreme te nacionalizmit (ky eshte dhe nje nga perkufizimet e ketyre rrymave te mendimit politik).Bazohen mbi superioritetin e nje kombi ose race,ndaj kombeve ose racave te tjera.E majta historikisht ka aspiruar barazine mes njerezve dhe drejtesine sociale dhe si e tille ka qene me anacionale.Perjashtim ben Partia e Punes se Shqiperise gjate periudhes se izolimit ku pati nderthurje te elementit komunist (qe gjithsesi u zbatua keq) dhe atij nacionalist (Shqiperia shkemb graniti ne brigjet e Mesdheut).Pastaj kush tha se kozmopolitanizmi dmth individualizem?perkundrazi.Kozmopolit do te thote qytetar i Botes.Shume kozmopolite i kane dedikuar jeten misioneve neper vende te varfera.Nene Tereza e Kalkutes ishte kozmopolite(Kur mori cmimin Nobel tha “origjina ime eshte shqiptare,nenshtetesia ime eshte indiane por jam qytetare e Botes dhe i perkas Jezu Krishtit).Pse Nene Tereza ishte individualiste?aspak.njihet si nje nga simbolet e altruizmit.Kulti i liderit nuk eshte nje prob i se majtes por i totalitarizmit.Gjermania naziste apo Italia dhe Spanja fashiste jane shembuj “par exellance” te lartesimit te kultit te individit (edhe partite konservatore te djathta aktuale Ne Europen perendimore fokusohen rreth liderit te tyre p.sh.”Balli Kombetar” ne France rreth figures se Jean-Marin le Pen apo L.A.O.S ne Greqi rreth Jorgos Karaxaferis (keta kane nga 20 vjet kryetar partie,nderkohe qe partite e majta perfshire edhe ato komuniste te reformuara i nderojne kryertaret cdo 5-6 vjet).

Beni

31/01/2012

arrow

Se pari nje saktesim i vogel: ekonomia liberale klasike e Adam Smithit nuk eshte ekstremi i djathe.
Eshte neoliberalizmi i probaganduar nga filozofi Friedrich Hayek, dhe ekonomistet si Milton Friedman te ashtuquajtur “Chicago Boys”.

Se dyti, une qellimisht u mundova te fus kete debat nen prizmin e vlerave te majta dhe te djathta
karshi nacionalizmit. Ti perseri hyre ne matje empirike. Po eshte e vertete sic thashe edhe une qe ka shume parti te “djathta” ne Europe qe dalin si nacionaliste. Por keto jane ne rastin me te mire
nacional-shoviniste, por une personalisht i kategorizoj si neonaciste dhe raciste.
Sic e thashe edhe me heret, kontradika te keto parti qendron ne faktin e te qenit i djathte ne kuptimin ekonomik qe eshte ne kundershtim qendrimet te themi ndaj “shoqerise” qe keta kane. Per mua emertimi i Djathte – Konzervativ eshte thjesht oksimoron.
Ndersa, te jesh i majte, jo ne kuptimin e Marksit, por te jesh per nje shoqeri me solidare, ku
njerezit kane kujdes edhe per fqiun, per te perbashkten, gjithsesi duke respektuar parimet demokratike te lirive individuale si ajo e shprehjes, prones, etj eshte me afer nacionalizmit.
Dhe kur flas per nacionalizem, nuk e kam fjalen per shovinizmin por per nje ndjenje me te larte
ndaj nje bashkesie te caktuar qe ne kete rast eshte kombi Shqiptar.

Beni

31/01/2012

arrow

Edhe nje gje se te mbeta borxh per Gonxhe Bojaxhiun. Besoj qe nuk pretendon se ajo ishte
nacionaliste shqiptare, sepse e pohonte qe ka kombesi shqiptare ? Eshte me se e evidente qe ajo
e vinte katolicizmin perpara shqiptarizmit, perndryshe nuk do te beheshte murgeshe. Ndersa po te udhehiqej nga altruizmi i paster, njerezve ne nevoje mund ti ndihmosh edhe pa e bere kete ne emer to ndonje bashkesije fetare, mund ti bashkangjitej UNICEF-it psh, ose te krijonte ndonje shoqate bamirese sekulare. Eshte mese evidente qe ishte kosmopolite duke thene qe eshte qytetare e botes. Dhe kur fals per individualizmin ne kuptimin kosmopolit, nuk e kam fjalen per lakmine e individit, por per mungesen e ndjesise e te perkiturit te nje bashkesie etnike dhe venjen e theksit te nje bashkesi me e gjere botrore.

europeisti

31/01/2012

arrow

Por shkolla e Chicago-s (lindi rreth 1970) pikerisht etiketohet si neoklasiciste ngaqe mbeshtet idete klasike te Smithit dhe kritikon interventizmin shteteror qe propogandonte shkolla harvardiane ne vitet ’50.
Sa per nacionalizmin si ndjenje te majte,vazhdoj te mos ndej te njejtin mendim.Nuk ndaj me ty as te njejten konsiderate per nacionalizmin.Shoqerite qe kane pasur baze shtetformimi frymen nacionaliste kane ndertuar pergjithesisht shtete totalitare shtypese per lirite e individit dhe s’kane treguar ndonje kujdes te vecante per mbrojtjen e prones.Me jep nje shembull te nje qeverisjeje nacionaliste qe eshte kujdesur per lirite dhe te drejtat e individit!!!Matja qe une bej nuk eshte vetem empirike.Qe te kujdesesh per fqinjin apo pronen publike s’do te thote te jesh patjeter nacionalist.Nacionalisti nuk do te perkujdesej per fqinjin e vet nese ky do te ishte arab,afrikan apo serb.
Po nacionalizmi mund ta coje lehtesisht drejt shovinizmit nje shoqeri.Pikerisht pra,eshte nje ndjenje e larte mbivleresuese per nje bashkesi te caktuar dhe shpesh here nxit izolimin apo urrjetjen ndaj ndonje bashkesie tjeter (qe ne rastin qe t’i permend mund te ndodhe ndaj kombit grek apo serb).

europeisti

31/01/2012

arrow

P.S. Gjithsesi Beni eshte kenaqesi te debatosh me dike qe sjell argumenta,neper formumet shqiptare fatkeqesisht nuk ndodh shpesh!

Beni

31/01/2012

arrow

Po kjo eshte kuptimi i debatit, shkembimi i ideve dhe jo shkembimi i fyerjeve apo stereotipeve sic
ndodh shpesh ne keto emisionet televizive alla “jerry springer” ne Shqiperi.

Ok, dmth pajtohemi qe Adam Smithi nuk eshte ekstremi i djathte? Pastaj se vall keta persona
pelqejne te quhen neoliberal apo neoklasik nuk ka rendesi, flasim per te njejten gje.
Se dyti, nuk them qe nacionalizmi eshte sinonim per te majten. Por vetem dua te them qe ka
me shume pika te aferta se e djathta ne kuptimin filozofik.

Gjithashtu kur flas per nacionalizem e kam fjalen per “patriotizin”, dhe aspak nuk mbeshtes teza shoviniste. Por nuk me pelqen te perdor fjalen patriotizem sepse lidhet ngushte me nje perkufizim sheteror e gjeografik dhe per fat te keq neve shqiptaret nuk jetojme ne nje shtet.

Dhe eshte e vertete qe nje nacionalist si une ben dallime me Greket, Serbet apo Arabet. Por
kete nuk e bej se mendoj qe jemi ndonje race superiore apo se di cfar. Thjesht, me pelqen kjo
gjuhe, kjo tradite, jo sepse mendoj qe eshte me e mira por sepse eshte e imja dhe dua ta mbroj
dhe promovoj.

Gjithashtu, pajtohem me ty per reziqet qe lindin nga nacionalizmi. Por mos haro se edhe nga
demokracia erdhi ne pushtet Hitleri, por ne nuk jemi kunder demokracise, por e dime qe nuk eshte e perkryer dhe thjesht nuk kemi alternative me te mire. Pra gjithsesi egziston
mundesia per keqperdorim, po pse mos tentojme qe ndertojme qe shtet modern te bazuar ne nje nacionalizem modern.

FERDEROVA

03/02/2012

arrow

BRAVOOO LEDJAN PER SHKRIMIN..flm.qe gjeni kohe dhe debatoni,POR JO HUMBJE KOHE,JO HUMBJE ENERGJIE-JOOOOOOOO!
HIDHUNI DJEMA SE KOHA S’PRET ,ATDHEUN TA BEJME BASHKE PERJETE!
KY ESHTE MISIONI QE ZOTI JU KA DERTGU DHE NE DESHIROJME ME BESU!
BLLLA,BLLA ,BLLA STOP-KOHE S’KA!

JU DUAM TE BASHKUAR SI RINI..:NJE MILION KRESHNIKA ,NJE MILION ALBINA-VETEM KESHTU BEHET SHQIPTARTIA!

Referendumi po afron-viti jubilar lirin e kombit kerkon-serbo-grekun terbon!
KETE MOS HARRO-THUAJA KUJTDO!

KUSH THOTE DO BASHKOHEMI NE EUROPE,
KOMBIT JA KA ME HILE SOT!

KOSOVE SHQIPERI TE BEHEN SHPEJT NJI!
KUSHTETUTA E KA,PSE NUK JUA MBA!?

NE EUROPE SHQIPTARIA NE HAGE TRADHETIA!
KETE VEC RINIA E BEN..KJO ESHTE FJALE ME MEND!

PREGATITU O RINI PER PARLAMENT E QEVERI!
PLEQTE NE PENSION MJAFT BEN PERSHESH ME ATDHEUN TONE!

VITI JUBILAR THERRET-RINI ,KOMBIN BEJE VET!

PERSHENDETJE NGA MILANO-DERI TANI JENI ZHIVE-MJAFTON NE PROGRAM VEC NJE PIKE-BASHKIMI KOMBETARE PER TE BERE ZVICER SHQIPERINE!
TE TJERAT VIN VET!

Lini një përgjigje

Emri juaj: (i domosdoshëm)

Emaili juaj: (i domosdoshëm)

Përgjigja juaj:

Posto përgjigjen